Working professionally with CAD projects




مفيش Design هتتعرضله الا وغالبا هيبقى متكون من اكتر من part. كل Part هيبقى ليه وظيفة بيقوم بيها وليه علاقة معينة مع part تاني او أكتر...في البوست ده عايزين نحط منهجية تفكير واضحة للتعامل مع الprojects أو الconstruction الكامل...وهنختصر الموضوع ده في 5 نقاط:

1-لازم تفهم الproject ده اساسا هدفه ايه؟..أو بمعنى تاني ايه الfunction الى بيقوم بيها؟ وغالبا بيبقى الجواب باين من عنوانه..مثال..مشروع اسمهNon-return valve..تقدر من اسمه كده تفهم انه صمام مطلوب منه يسمح بمرور الflow في اتجاه واحد فقط..ولو حصل لأي سبب واتعكس الاتجاه ده يقفل ويمنع المرور..مثال تاني..مشروع اسمه Pipe Vice تقدر من اسمه تفهم انه منجلة هدفها تثبيت المواسير اثناء عملية الثقب مثلا..وهكذا

2-لازم تعرف دور كل part في اداء  الfunction الكلية ايه؟..نرجع للمثال الاول بتاع الصمام..الbody وظيفته انه يحوي بقية الاجزاء ويوفر ليهم اماكن لتركيبهم..وانه يربط ما بين وصلتين المواسير الى الصمام هيبقى راكب عليهم..و قلب الصمام هيبقى وظيفته انه يفتح ويقفل الصمام وقت اللزوم..والغطا وظيفته انه يقفل الفتحة الى اضطرينا نفتحها عشان نسقط الصمام..وكمان وظيفته انه يبقى Guide لحركة قلب الصمام..وهكذا

3-لازم تعرف علاقة كل Part بالتاني..ودي بتوضح من خلال فهمك للfunction ومن خلال ملاحظتك لتشابه الdimensions. وبرده لازم تعرف انت بتتعامل مع structure يعني ملوش اي DOF ولا بتتعامل مع Mechanism يعني ليه على الاقل DOF واحد.

4- تقدر تبدأ مرحلة الPart modelling وفيها ابدأ اتعامل مع كلpart على حده كأنه مشروع منفصل..وكل part هيترسم في فايل منفصل..وطبعا خطوات الpart modeling تم شرحها بالتفصيل في بوست سابق.

5- استدعي كل الفايلات بتاعة الParts في الAssembly module وهناك وبناءا على فهمك للنقطة رقم3 استخدم ال constrains commands عشان تحصل على الassembly للمشروع.

بعد الخمس خطوات دول اصبحت جاهز للانتقال للdrafting وهناك تقدر تطلع لوحات..والاهم من ده انك بقى معاك CAD file وتقدر تطلع على اي Analysis software
الكلام ده مشروح بالتفصيل في المحاضرة دي:
https://www.youtube.com/watch?v=PzrEvlFIenU

#Design_Online_Group
#Part_Modelling
#Autodesk_Inventor

تعليقات

إرسال تعليق

المشاركات الشائعة من هذه المدونة

بوست هام لطلبة هندسة في مصر والشرق الاوسط- من اعدادي هندسة لرابعة ميكانيكا

صورة
البوست ده لطلبة هندسة في جامعات مصر 🇪🇬 ️ والشرق الأوسط 🌍 ..وبالأخص طلبة الفرقة الاعدادي. ومعلش بنعتذر لمتابعينا من المهندسين وطلبة الدراسات العليا الى كانوا مستنيين البوست بتاع الAnsys NMA tutorial..هنأجله شوية عشان نقدم حاجة للطلبة في بداية العام الدراسي. هنقسم كلامنا حسب العام الدراسي..وهنقول ايه الى نقدر نقدمهولك من خلال صفحتنا..والى هي بتركز على خريج design engineer في الاساس. 1️⃣ ️أولا لو انت من طلبة الفرقة الاعدادية: ✅ هتدرس مادة اسمها statics..اللينك ده في مرجع مشهور يهمك أوي: https://drive.google.com/ open?id=0ByVwYpUlTu54cGtVd0 4wekhKRmc ✅ وهتدرس مادة اسمها الرسم الهندسي او Engineering drawing...اللينك ده في تجميعة لرسومات كتير تقدر تبدأ بيهم: https://drive.google.com/ open?id=0ByVwYpUlTu54Z2NRZ0 1VWWJUMGc ✅ وهتدرس طبعا فيزياء..اللينك ده في مرجع مهم ليك: https://drive.google.com/ open?id=0B80GMeh-K-b2MXNuR2 xiWHFzVGM دول 3 نقاط حاليا..لما تعدي اول ترم في الكلية نقدر ندخلك معانا في تفاصيل أكتر. -------------------------- -------------------------- ------
قراءة المزيد

Design Online Academy Courses on ((Udemy))

صورة
1-CAD: 3D modeling-Assembly-Drafting-Design of famous mechanical elements"Bolts, shafts, gears, bearing, and keys". [Autodesk Inventor]  The link: https://www.udemy.com/autodesk-inventor-from-zero-to-professional/learn/v4/overview    2-Basics of Finite element method, and static analysis. [Ansys]  The link: https://www.udemy.com/finite-element-analysis-basic-course-ansys-static-analysis/learn/v4/overview   3-Dynamic analysis using FEM [Ansys]  The link: https://www.udemy.com/ansys-dynamic-simulation/learn/v4/overview  4-Explicit dynamic analysis using FEM [Ansys]  The link: https://www.udemy.com/ansys-explicit-dynamics/learn/v4/overview  5-CNC: Conventional machining workshops, Part programming, Hardware, CAM simulator.  The link: https://www.udemy.com/computerized-numerical-control-cnc/learn/v4/overview  
قراءة المزيد