شرح فكرة قناة Design Online Group لطلاب وخريجي الهندسة بالشرق الأوسط-الجزء الثالث
في البوست الى فات
سألنا سؤال وقعدنا حكينا قصة وقلنا هنرد على السؤال في بوست منفصل.
وكان السؤال بيقول:
ليه احنا اساسا مهتمين اننا نحصل على ال 3D
للرسمة الى في ايدينا؟؟؟
والسؤال ده يهم اي
حد لسه هيتعلم او بالفعل يعرف اي برنامج CAD
الرد الأول:
ارجع كده للمرحلة الرابعة
والخامسة من مراحل التصميم الى
شرحناها البوست الى فات.
لغاية ستين سنة
فاتوا تقريبا..قبل ما يبقى في حاجة اسمها كومبيوتر..كانت المرحلة الرابعة معتمدة
على الحسابات اليدوية المعقدة..وكان في مراجع أو Handbooks
مشهورة لكل منتج هندسي..والمرحلة الخامسة معتمدة على المكن التقليدي المتاح..مكنش
لسه في الCNC.
بظهور الكومبيوتر
على الساحة...ظهر معاه الCAD وظهر معاه الCNC ثم ظهر الCAM والCAE
واصبح عندنا مصطلح
مهم جدا هو الVirtual prototyping واحيانا بنسمعه بشكل تاني Virtual
reality
وظهر ما يسمى الCAD/CAM/CNC/CAE
وبكده نفهم ان الCAD
file الى بحصل عليه بعد ما بعمل ال3D modeling على
أي برنامج CAD ماهو الا مجرد بداية فقط...ومرحلة لها ما بعدها..يعني الموضوع مش
مجرد رسمة 3D شكلها شيك...دي حاجة انا بحتاجها عشان اقدر ادخل على مرحلة الanalysis
ومرحلة الmanufacturing
الرد الثاني:
لازم نتفق ان الCAD هي
اختصار لcomputer aided design...مش computer aided drafting
والفارق شاسع بين
الاتنين...يعني احنا معندناش رسمة وعايزين نعمل ال3D
بتاعها على البرنامج...احنا بنعمل تصميم من لا شئ..احنا الى بنتخيل الاجزاء وشكلها
وابعادها وعلاقاتها مع بعضها ثم حسابات كل جزء ثم تصنيع كل جزء ثم تجميع الاجزاء
دي كلها عشان التصميم بتاعنا في الاخر يشتغل وينجح...وبعد كده بنحصل على
الرسمة..مش العكس..وأثناء ما انت بتعمل كده محتاج virtual
space ترسم فيه وتعدل زي مانت عايز..وده الي هيفورهولك برنامج الCAD...والا
البديل هيبقى انك لازم تصنع المنتج وتختبره عشان تعرف التصميم بتاعك سليم ولا
لأ..وهل في افضل ولا لأ..يعني لازم تعمل physical prototype...وطبعا
عد بقى عدد المحاولات الى انت محتاج تعملها عشان تدرس تاثير عنصر واحد من العناصر
الى ماثرة على التصميم بتاعك...زي مقاس او عدد المسامير مثلا...وقارن ده بانك تقدر
تعمل اي تعديل في اي حاجة عايزها في الvirtual prototype من
غير ماتكلف نفسك مليم.
الي عايزين نوضحه
لحضراتكم..انك لازم تبقى عارف كويس انت عايز ايه؟
ده الحل الوحيد عشان
تبقى professional user
وده الى بنحاول
نعمله في قناة Design Online Group
#Design_Online_Group
تعليقات
إرسال تعليق