شرح فكرة قناة Design Online Group لطلاب وخريجي الهندسة بالشرق الأوسط-الجزء الثاني
مشكلة كتير من الي بيتعلم برامج الCAD سواء
كان Autodesk Inventor أو Solid Works أنه احيانا ميعرفش يجاوب على السؤال الاتي:
ليه احنا اساسا
مهتمين اننا نحصل على ال 3D للرسمة الى في ايدينا؟؟؟
صحيح ال 3D بيبقى شكله احلى و بيسهل جدا التخيل وهيساعدك انك تشرح فكرة
مشروعك للعميل، أو لو انت لسه طالب هيساعدك في انك تعمل presentation
قوية....لكن في الحقيقة كل الردود دي على صحتها...الا ان الموضوع أكبر من كده
كتير.
وعشان نرد على
السؤال ده...احنا محتاجين أساسا نعرف القصة كلها على بعضها
أي تصميم لأي منتج
في الدنيا بيعدي على مجموعة مراحل عشان يتحول من كونه فكرة في دماغك لمنتج ملموس
قدام عينيك:
أول المراحل دي حاجة
اسمها Problem Definition ...وفي المرحلة دي بنحدد احنا عايزين نعمل ايه بالظبط؟
سواءا كان نفع عايز
تحصل عليه..أو ضرر حصل وعايز تعالجه وتتلافاه...أمثلة: عايزين نعمل مضخة مياه ترفع
المياه من منسوب كذا لمنسوب كذا..أو في كسر حصل في اللودر وعايزين نعرف سببه وازاي
ميحصلش تاني..وهكذا
تاني مرحلة هي ال Conceptual
design... وفي المرحلة دي بتستدعي نوع العلم أو العلوم الهندسية الي
تصميم المنتج ده هيعتمد عليها...مجرد استدعاء فقط بدون حسابات..أمثلة: لو بتعمل
تصميم لصندوق تروس يبقى لازم تدرس ال power transmission...ولو
بتعمل تصميم لجمالون يبقى لازم تدرس ال Truss analysis..ولو
بتعمل تصميم لجناح طيارة يبقى لازم تدرس الAerodynamics...لو
بتعمل تصميم لpump يبقى تدرس الfluid mechanics...وهكذا
ثالث مرحلة هى مرحلة
التجسيم Embodiment design..وفي المرحلة دي بتوقف كلام وتنظير شوية وبتبدأ تعمل Layouts
مبدأية..من غير اي حسابات..مجرد رسومات عشان تبدأ تدخل في مراحل التنفيذ.
رابع مرحلة هي Detailed
design...وطبعا دي من اسمها تعتبر المرحلة الرئيسية..والى فيها بنبدأ
نعمل الanalysis المناسب للconcept الى حددناه في المرحلة الثانية...بالتفصيل بقى يا هندسة...حسابات
كتييير جدا...حسابات لكل حاجة.
خامس واخر مرحلة هى
التصنيع Manufacturing..والى طبعا بتحصل من خلالها على المنتج بتاعك.
احنا حكينا القصة دي
كلها ليه...عشان نرد على السؤال الى فوق خالص..دلوقت نقدر نرد
بس خليها في بوست
تاني عشان منطولش عليكم
بس لو مستعجل
اوي..كل الكلام ده مشروح في اول session
تعليقات
إرسال تعليق